Navenda Rewanda Kurdistanê-Wolfsburg bi amadebûna hejmareke giring a Kurdên her çar parçeyên Kurdistanê meşek ji bo piştgiriya xwepêşandêrên ji Kurdên Rojhilat û Îranê li dar xist û tê de gotara organîzator, partî û çalakvanan di rojnameya bajêr de weke nûçeya giring hate xwendin û weşandin
Roja Yekşemê 20.11.2022 Navenda Rewanda Kurdistanê-Wolfsburg xwepêşandanek li dar xist jibo piştevanîkirina xwepêşandanên li bajarên Rojhilata Kurdistanê û Îranê.
Meş bi beşdariya Navenda Rewanda Kurdistanê û miletê Îranî bi qîrîna dirûşmên jin, jiyan, azadî, li stasyona trenê ya bajêr heta pêşiya şaredariya Wolfsbûrgê pêk hat.
Piştre organîzatorê meşê Salar Kerkûkî axaftinek bi zimanê Elmanî kir û piştre axaftinên partî û çalakvanan hatin xwendin.
Di meşa ku di rojnameya Wolfsburg a bajêr de hat weşandin, hejmareke girîng a Kurdistaniyên ji parçeyên Kurdistanê beşdar bûn .
