دوێنێ پێنج شەممە چەند کوردێکی پارچەکانی کوردستانی دانیشتووی ئەمەریکا، لە بەردەم وەزارەتی ئەمەریکا کۆبوونەوە و داوای هەڵوەشاندنەوەی سزای 5 ساڵ بەندکرانی خانمە چالاکوانی مەدەنی و مامۆستای خۆبەخشی زمانی کوردییان کرد، کە لەلایەن کۆماری ئیسلامی ئێرانەوە بەسەریدا سەپێندراوە.
وەک ناڕازایەتی نیشتاندانی بەرانبەر سزادانی چالاکوانی مەدەنی و مامۆستای خۆبەخشی زمانی کوردی، زارا محەمەدی، کە لەلایەن کۆماری ئیسلامی ئێرانەوە سزای 5 ساڵ بەندکرانی بە سەردا سەپێندرا و، ئێستا لە گرتووخانەی ئافرەتانی سنە یە بۆ بەسەربردنی ماوەی بەندکردنەکەی ، دوێنی کوردانی دانیشتووی ئەمەریکا لە بەردەم وەزارەتی دەرەوەی ئەمەریکا بۆ داکۆکیکردن لەو خانمە چالاکوانە کۆبوونەوە و داوای هەڵوەشاندنەوەی سزاکەیان کرد.
شایانی باسە، زارا محەمەدی چالاکوان و مامۆستای خۆبەخشی زمانی دایک و خەڵکی ڕۆژهەڵاتی کوردستان، ساڵی رابڕدوو سزای 10 ساڵ زیندانییکردنی بۆ دەرچووبوو، دواتر لە دادگای پێداچوونەوە سزاکەی بۆ 5 ساڵ کەمکرابوەوە، لە رێککەوتی 8ی1ی2022، بەپێى خۆى چووە گرتووخانەی ئافرەتانی شاری سنە، بۆ ئەوەی سزای پێنج ساڵ زیندانییکردنەکەی لە گرتووخانە بەسەر ببات.
