زانیارییە فەرمییەکان ئاشکرایان کردووە، کە لە ساڵی 2021دا، 5000 پزیشکی تورک کارەکانیان بەجێ هێشتووە.
بە گوێرەی زانیارییەکانی وەزارەتی تەندروستی تورکیا، هەزار و 229 پزیشک خانەنشینکراون و، 4459 پزیشک لەبەر ڕۆشنایی پەتای ڤایرۆسی کرۆنا دەستیان لە کارکێشاوەتەوە.
داریا ئوگور، سەرۆکی فیدراسیۆنی بەڕێوەبەرایەتی تەندروستی گشتی، لێدوانی لەسەر ئەو ژمارانە دا و ڕایگەیاند، کە گەورەترین هۆکار بۆ ئەوە، زیادبوونی توندوتیژییەکان بووە لە کەرتی چاودێری تەندروستیدا.
ئوگور ئەوەشی خستەڕوو، کە وەرگرتنی موچە لە خوار هێڵی هەژارییەوە، هۆکارێکی دیکە بووە بۆ هەڵبژاردنی ڕێگای دەست لەکارکێشانەوە و خانەنشینکردن بۆ ئەوەی خۆیان ڕزگار بکەن.
ئوگور ئاماژەی بەوەشداوە، کە کارەکە هۆکاری دەست لەکارکێشانەوە و خانەنشین بوون، بەردەوام بوو و، کاری ئەوانیشی ئەستەم کردووە، بەڵام لەگەڵ بڵاوبوونەوەی پەتاکە، ئەو کارە زیاد بوو و کاتژمێری کارکردنیشیان درێژکرایەوە.
دەشڵێ، کە زۆرێک لەو دەست لەکارکێشانەوانە بۆ گەشتکردن بووە بۆ دەرەوە، چونکە ئەو کەسانە دەیانەوێت بچنە ئەو شوێنانەی کە نرخیان بۆ دانراوە و پاداشتی ئەرکەکانیان دەدرێت.
