سەرۆکوەزیرانی فەرەنسا هەڵوەشاندنەوەی بەڵگەی کوتان و ماسکی ڕاگەیاند، کە رێککەوتی 14ی ئازارەوە دەبێت، بەڵام بەڵگەی کوتان و کوتانی زۆرەملێ بۆ پەرستار و پزیشکان دەمێنێتەوە.
ژان کاستێکس سەرۆکوەزیرانی فەرەنسا، ئەمڕۆ پێنج شەممە رایگەیاند، بەڵگەی تەندروستی لە دامەزراوە تەندروستییەکان وەک نەخۆشخانە و پەرستارییەکان بە زۆرەملێ دەمێنێتەوە و کوتانیش بۆ کارمەندانی تەندروستی بە زۆرەملێ دەمێنێتەوە، بەڵام لە 14ی ئازارەوە، بەڵگەی کوتان و ماسک بەستن هەڵدەوەشێندرێتەوە و نامێنێت.
ئاماژەی بەوەشداوە، لەم قۆناغە نوێیەدا مەرجەکان بە کەمکردنەوەی ڕێککارەکان دەبن، بۆیە لە 14ی ئازارەوە بەڵگەی کوتان لە هەموو ئەو شوێنانەی کە داواکراوە ڕادەگرن. هەروەها لە ڕێککاری دووەمدا و لە هەمان رێککەوت، کۆتایی بە بەستنی زۆرەملێی ماسک لە هەموو ئەو شوێنانەی دەبوو ببەسرێن، نامێنێت، واتە لە شوێنە داخراوەکان، جگە لە گواستنەوەی گشتی.
ئەوەشی خستەڕوو، کە بەڵگەی تەندروستی لە ماڵی خانەنشینان و ئەو دامەزراوانەی تایبەتن بە کەمئەندامان و خەڵک وەردەگرن، بە ناچاری دەمێنێتەوە و بەڵگەی کوتانیش بەردەوام دەبێت لە سەپاندن بەسەر کارمەندانی تەندروستیدا.
