کەناڵێکی ئیسرائیلی دەڵێ، ڕووسیا ئیسرائیلی ئاگادار کردووە کە شوێنی ڤۆلۆدیمێر زیلینسکی سەرۆکی ئۆکرانیا دەزانێت و، نیازیان هەیە بە زیندوویی دەستگیری بکەن.
کەناڵی 12ی تایبەتی ئیسرائیل، لە زاری بەرپرسانی ئیسرائیلییەوە بڵاوی کردەوە، کە ڕووسیا نامەی بۆ چەند لایەنێک ناردووە، لەوانە ئیسرائیل، ئاماژەی بەوەداوە، کە شوێنی زیلنسکی دەزانێت، بەڵام نیازی زیانگەیاندنیان پێی نییە.
بە گوتەی بەرپرسان، ڤلادیمیر پۆتن سەرۆکی ڕووسیا، پێیباشە زیلینسکی بە زیندوویی بهێڵێتەوە و دەستگیری بکات.
هاوکات ڕۆژنامەی نیویۆرک تایمز، واشنتن کەلوپەلی پەیوەندی نهێنی بۆ سەرۆکی ئۆکرانیا دابین کردووە، ئەوەش لە پێناو پاراستنی جموجوڵ و پەیوەندییەکانی لەگەڵ جۆ بایدن سەرۆکی ئەمەریکا.
ئەم هەواڵە دوای ئەوە دێت، کە نەفتالی بنێت، سەرۆکوەزیرانی ئیسرائیل، دوێنێ سەردانی مۆسکۆی کرد و چاوی بە سەرۆک پۆتن کەوت و، لەسەر ئاگربەست سێ کاتژمێر گفتوگۆی لەگەڵ کرد.
