رێکخراوی کانگا بە بۆنەی ٨ی مارس ڕۆژی جیهانی ژنانەوە، پەیامی پیرۆزبایی خۆیان ئاڕاستە سەرجەم کچان و ژنانی جیهان، بە تایبەت کوردان دەکەن.
دەقی پەیامەکە:
٨ی مارس لە گشت کچان و ژنانی جیهان و بەتایبەت ژنانی کورد لە هەر شوێنێکی دنیا بێت پیرۆزبێت.
ڕێکخراوی کانگا …….. پیرۆزبایی لە هەموو مامۆستا بەڕێزەکانی خۆی دەکات کە ماندوونەناسانە ڕۆڵێکی گرنگ و بەهاداریان لە ئەستۆی خۆیان گرتووە کە فێرکردن و پەروەردە کردنی نەوەی داهاتووی کوردە لە تاراوگە و بەتایبەتی لە بەریتانیا.
مامۆستا بەڕێزەکانمان جگە لە ئەرکی دایکایەتی و خوێندن و کارکردن لە ناوەندە گشتییەکانی بەریتانیادا هاوکات لە رۆژی پشووەکەشیاندا دڵسۆزانە لە کاتی خۆیان بەخشییەوە بە منداڵان و گەنجانی کورد لە ڕێگەی فێرکردنیە زمانی دایک و ئاشنابوونیانەوە بە کلتور و دابوونەریت و خوڕەووشتی جوانی کوردانە، بەمەش منداڵان و گەنجانی کورد لەسەر دەستی ئەم مامۆستا بەڕێزانە خۆشەویستیان بۆ خاک و نیشتیمان بەردەوام لە گەورەبووندا دەبێت.
هەر بەم بۆنەیەوە و لەم رۆژە پیرۆزەدا دەستەی بەڕێوەبەرانی ڕێکخراوی کانگا دووبارە پیرۆزبایی ٨ی مارس لە مامۆستا دڵسۆزەکانی خۆی دەکات و دەستی ماندوونەبوونیان دەگوشێت و پێییان دەڵێت هێزی خۆنەویستی و میهرەبانی ژنبوونتان پیرۆز بێت.
