کۆنفدراسیۆنی ڕەوەندی کوردستانی لە پەیامێکدا سەرکۆنەی هێرشەتیرۆرستییەکەی شاری هەولێر دەکات
لەدرێژەی پەیامەکەیدا بەم هێرشە ترسنۆکانە دەیانەوێت ڕێگری لە ئیرادەو خواستی خەڵک بگرن و دۆخی عێراق و ناوچەکەو بەتایبەت ھەرێمی کوردستان بەئاراستەیەکی تردا بەرن، بەتایبەت لەم دۆخە نائارام و ھەستیارەی دونیای پێیدا تێدەپەڕێت
دەقی پەیامی ناوەندی ڕەوەندی کوردستانی :-
سەرکۆنەی ھێرشی تیرۆرستی شەوی ڕابردوو بۆ سەر شاری ھەولێر دەکەین ، بەئامانج گرتنی خەڵکی سڤیل و شێواندنی ئارامی و ئاسایشی ھەرێم و ھەولێری پایتەخت ، ھێزو ئیرادەی پێکەوە ژیان و بنیادنان و پێشکەوتن و ڕووانین بۆ ئایندە ڕاناگرێت ، ئەمەش ئەوە دەسەلمێنێ تیرۆرستان چاویان بە ئارامی و بووژاندنەوەی ھەرێم ھەڵنایەت و دەیانەوێت وەک ناوچەکانی دی عێراقی لێبکەن .
دەیانەوێت ڕێگری لە ئیرادەو خواستی خەڵک بگرن و دۆخی عێراق و ناوچەکەو بەتایبەت ھەرێمی کوردستان بەئاراستەیەکی تردا بەرن ، بەتایبەت لەم دۆخە نائارام و ھەستیارەی دونیا پێیدا تێدەپەڕێت .
بەو ھیوایەی کۆمەڵگای نێودەوڵەتی و ھاوپەیمانانی دژ بەتیرۆر لەو ھێرشانە بێدەنگ نەبن و عێراقیش وەک دەوڵەت ھەڵویستی جدی ھەبێت و سنورێک بۆ دووبارە نەبوونەوەی لەو جۆرە ھێرشانە دابنێت ،کەمەترسی بۆ سەر ئارامی و ئاسایشی ھەرێم و ناوچەکە دەبێت .
بەو ھیوایەی ھەمیشە کوردستانی خۆشەویست ئارام بێت و ھاونیشتمانیانی لە ئاسودەیی و ئارامیدا بژین .
کۆنفدارسیۆنی ڕەوەندی کوردستانی
