ئیسرائیل کۆبوونەوەی لوتکەی وەزیرانی دەرەوەی عەرەب و ئەمەریکا لەخۆدەگرێت
وابڕیارە ڕۆژانی یەک شەممە ودووشەممە کۆبوونەوەی لوتکەی مێژووی هەرێمی لەئیسرائیل بە بەشداری وڵاتانی بەحرێن ،ئیمارات و مەغریب وئەمەریکا بەڕێوەبچێت
یایر لاپید وەزیری دەرەوەی ئیسرائیل ڕایگەیاند هەفتەی داهاتوو وڵاتەکەی میوانداری کۆنفرانسێکی هەرێمی “مێژوویی” بەبەشداری ئەمریکاو ئیمارات و مەغریب و بەحرەین دەکات
لاپید گوتی وەزیرانی وڵاتانی بەشداربوو ڕۆژانی یەک شەممە ودووشەممە سەردانی ئیسرائیل دەکەن لە زنجیرەیەک چاوپێکەوتنی دیپلۆماسی کۆبونەوەی لەبارەی کێشە سیاسی و ئابووری دیپلۆماسی و ئاشتی ناوچە گفتوگۆی لەبارەوە دەکەن
چەند ڕۆژێک لەمەوبەرهاوینەهەواری شەرم ئەلشێخ لەمیسر دیدار وکۆبوونەوەیەکی نێوان عەبدولفەتاح ئەلسیسی سەرۆکی میسر و جێنشینی ئەبوزەبی محەمەد بن زاید و نەفتالی بنێت سەرۆک وەزیرانی ئیسرائیل بەڕێوەچوو
لەمبارەوە ئەمەریکا پێشوازی لە کۆبوونەوەی سێ قۆڵییەکەی میسر کرد و ستایشی کردن
میدیاکانی ئیسرائیل گوتیان لە کۆبوونەوەکەدا باس لە کێشەی ناوکی ئێران کراوە و لە کاتێکدا لە بەیاننامەیەکدا کە سەرۆکایەتی میسر بڵاوی کردووەتەوە لە بەر ڕۆشنای ئۆپەراسیۆنی هێرشی ڕوسیا بۆ ئۆکرانیا باسی کێشەی ئاسایشی خۆراک و وزە کراوە
شایەنی باسە ئیمارات و بەحرەین و مەغریب لە ساڵی 2020دا لە ژێر گفتگۆی ئاشتی بەسەرپەرشتی ئەمریکا ئاساییبوونەوەی پەیوەندییەکانیان لەگەڵ ئیسرائیل ڕاگەیاند
سۆران حەسەن
