بە گوێرەی ماڵپەڕی “ھاک ڕید”، گرووپێکی ھاککەری سەر بە ئەنانیمۆس، نزیکەی ٢٨ گێگابایت بەڵگە و دۆکیۆمێنتی دارایی بانکی ناوەندی ڕووسیایان ھاک کردووە، ئەوەش وەک تۆڵەیەک بۆ داگیرکردنی ئۆکرانیا.
ئەو بەڵگانەی ھاک کراون، ئێستا ھەموو کەسێک دەتوانێت تەماشایان بکات، لە ٢٣ی ئاداردا گرووپی ئەنانیمۆس ڕایگەیاند بوو، بانکی ناوەندی ڕووسیا دەکەنە ئامانج و، ٣٥ ھەزار دۆکیۆمێنێت بڵاودەکەنەوە.
ئەو گرووپە بە ڤلادیمێر پۆتینیان گوت، ئێمە نھێنییە ئابوورییەکانی تۆمان لایە، دەبێت لە ترسدا بلەرزیت پۆتین”.
بۆ سەلماندنی ھاکەکەیان، گرووپەکە چەند کۆپیەکی لە دۆکیۆمێنتە ھاککراوەکانیان بە زمانی ڕووسی لە تویتەر بڵاوکردەوە. ئەو داتایانەی بڵاوکراونەتەوە کۆنترینیان دەگەڕیتەوە بۆ ساڵی ١٩٩٩ و، قەبارەی دۆکیۆمێنەتەکان ھێندە گەورەیە، پێویستی بە چەندین و شارەزا و کاتێکی زۆر ھەیە بۆ پێداچونەوەیان
