شاندێکی ناوەندی ڕەوەندی کوردستانی لە دانیمارک، سەردانی باڵیۆزخانەی عێراقیان کرد، ئەوەش دوای ئەوە دێت، کە باڵیۆزی عێراق لەو وڵاتە بەشداری مەراسیمی کردنەوەی ئاگری نەورۆز کردووە.
ڕۆژی دووشەممە ڕێککەوتی ١١\٤\٢٠٢٢، شاندێ ناوەندی ڕەوەندی کوردستانی لە دانیمارك، سەردانی باڵیۆزخانەی عێراقیان کرد و چاویان بە دکتۆر دیاری مەجید بەرپرسی کاتی بەڕێکردنی کاروبارەکان (قائم بالاعمال المؤقت) کەوت، کە لە مەراسیمی کردنەوەی ئاگری نەورۆزیش بە ئامادەبوونی لەگەڵ خێزانەکەی بەشداریان کردووە.
جێی باسە، باڵیۆزی عێراق بە خۆشحاڵییەوە پێشوازی لە شاندەکەی ناوەند کرد، هاوکات شاندەکە باسی ناوەندی ڕەوەندی کوردستانی و پەیڕەو و پڕۆگرامی ناوەندەکەیان کرد و، ناوبراویش دەستخۆشی لێ کردن و بە کارێکی ڕێكوپێکی هەڵسەنگاند و داوای سەرکەوتن و بەردەومی لێکردین
هەروەها چەند بیروڕایەکمان لەگەڵ گۆڕییەوە.
