کۆچبەرانی کەمپێکی دوورگەی سامۆسی یۆنان بەهۆی نەبوونی ئاو و کارەباوە دەناڵێنن
کەمپی کۆچبەرانی سامۆس، لەسەرەتای ئەم مانگەوە قەیرانی کەمی ئاو بەردەوامە و، کۆچبەرانیی خستۆتە مەترسی تەندروستییەوە، وەزارەتی کۆچ و کۆچبەرانی یۆنان ڕایگەیاندووە، کە پەمپی ئاوی کامپەکە شکاوە و، لە ئێستادا چاککردنەوەی ئەستەمە، جگە لە ئاو، کەمپەکە تووشی نەبوونی کارەبای هەمیشەیی و شکستی هەوایی و حەمامەکانی دەرەوەی خزمەتگوزاریش بوونەتەوە.
دەستەڵاتدارانی یۆنانی ناوەندی پێشوازی داخراوی کۆچبەرانی دوورگەی سامۆسیان باس کرد، ئەو سەنتەرە بەشێکە لە پلانی حکومەتی یۆنان، کە لە کۆتایی ساڵی 2019دا ڕایگەیاند، بۆ جێگرتنەوەی ئەو کەمپانەی لە دوورگەکە و لەکاتی خۆیدا لەگەڵ ناوەندەکانی پێشوازی داخراودا، ویستی شەڕی قەیرانی قەرەباڵغی کەمپی ئەوکاتە بکات، کە 7000 کەس بوو، لە کاتێکدا کە زۆرترین توانای 680 کەسی هەبوو.
بەڵام لە مانگی ئەیلولی ڕابردووەوە، ئەم کەمپە، کۆمەڵێ کێشەی تەکنیکی و لۆجستی بەخۆیەوە بینیوە، کە بە تەواوی وێنەی “ناوەندی نموونەیی”ی دوورخستەوە، لەکاتێکدا حکومەت هەوڵی بەرەوپێشبردنی داوە.
وەزیری کۆچ و کۆچبەرانی یۆنان، لە 18ی ئەیلولی 2021 و لە کردنەوەی کەمپەکەدا وتی: “ئەو ناوەندە داخراوە نوێیەی کە لەژێر چاودێریدایە، شکۆ بۆ ئەو کەسانە دەگێڕێتەوە کە بەدوای پاراستنی نێودەوڵەتیدا دەگەڕێن”.
قەیرانی ئاو
لەوکاتەوە قەیرانی دانیشتوانی ئەو سەنتەرە نەوەستاوە، لەم دواییانەدا و لە سەرەتای مانگی ئایاردا، کاتێ ڕێکخراوە ناحکومییەکانی ناوخۆ ڕایانگەیاند، کە نزیکەی 400 دانیشتوانی زۆر سنوردار بوون بۆ بەدەستهێنانی ئاو، کاتژمێرێک لە بەیانیان و یەک کاتژمێر لە ئێوارەدا ئاویان پێ دەدرێت.
بۆ چارەسەرکردنی ئەو گرفتە، دەستەڵاتداران سێ بوتڵی ئاوی یەک لیتر و نیو، یا 4.5 لیتر بۆ هەریەک لەدانیشتوانی سەنتەرەکە دابەش دەکەن، کە بڕیارە پێداویستی ڕۆژانەیان بۆ خواردنەوە و شوشتن و چێشتلێنان و هتد بەکار بێنن، ئەمە بە نزیکەیی مەحاڵە، لەوکاتەوەی کە بەگوێرەی ڕێکخراوی تەندروستی جیهانی، پێویستییەکانی سەرەتایی ئاو 20 لیترە لە ڕۆژێکدا.
هەروەها دەستەڵاتداران پلانیان داناوە، کە تانکی ئاو لە سەنتەرەکە دابنێن تا بتوانن 300 مەتر سێجا دابین بکەن، بۆ ئەوەی پێداویستیەکانی دانیشتوانەکەی پێ دابین بکەن.
کێشەکانی دیکەی کەمپەکە
جێی باسە، جیا لە ئاو، ئەو کۆچبەرانەی کە ناچاربوون لە ناوەندەکە نیشتەجێ ببن، گلەیی لە پچڕانی کارەبا و شێواندنی هەوا و گەرماو دەکەن، کە بوونەتە هۆی بێزارییان.
لەگەڵ ئەوەشدا ستایشکردن لە یۆنان و یەکێتی ئەوروپا بۆ ئەم جۆرە سەنتەرە دەمێنێتەوە، کە بڕی 276 ملیۆن یۆرۆی بۆ دروستکردن تێدەچێت سەنتەری سامۆس 43 ملیۆن یۆرۆی تێچووە بۆ بنیادنان، بڕێکی تەواو پارەدراو لە یەکێتی ئەوروپا، لەوانە جگە لە ژێرخانی ئابووری و خانووی پێش دروستکراو، سیستەمی چاودێری ڤیدیۆیی، دەرگا موگناتیسیەکان، وایەرە هەڵواسراوەکان و پەرژینی ئاسن.
