بەهۆی کەمی هێزی کار حکومەتی ئیتالیا ڕێککەوتنێک واژوو کردووە ،بە ڕاهێنانی نزیکەی 3000کۆچبەر لە بواری کرێکاری و بیناسازیدا ،بەپێی ڕێککەوتنەکە کۆچبەران و پەنابەران دەگرێتەوە
ئاندریا ئۆرلاند وەزیری کار و سیاسەتی کۆمەڵایەتی ئیتالیا پێشوازی لەواژۆ کردنی ڕێککەوتننامەی نێوان کۆمپانیای کۆمەڵایەتیەکان و حکومەت کرد بۆ ڕاهێنان و دامەزراندنی 3000 کۆچبەر لە کەرتی بیناسازی ،ئەمەش هەلێکی زێریبە بۆ کۆچبەران و پەنابەران تا دەستبەری مافی مانەوە و نیشتەجێبوون بکەن
ئەو کۆچبەرانەی کە دێن بۆ ئیتالیا دەتوانن سود لەو دەرفەتە وەرگرن ،چونکە لەلایەن حکومەتەوە گرنگیان پێدەدرێت ،دوای مافی پەنابەری و ڕاهێنان هەلی کارییان پێدەدرێت
ڕێککەوتنەکە وەک ئەوەی سایتی مهاجەر نیوز ئاماژەی پێکردووە ،حکومەت خەرجی ڕاهێنانەکان دابین دەکات پرۆسەی ڕاهێنان لە پەیمانگاکان دەبێت ، بە هەماهەنگی لە لایەن فۆرمێدیل، دەزگای نیشتیمانی ڕاهێنانی پیشەیی لە پیشەسازی بیناسازی بەڕێوەدەچێت، هەروەها کارپێکردنی ئەو کەسانە لەگەڵ ئەم کۆمپانیایانەی لەم بوارەدا کار دەکەن. لەکۆتایی خولەکەدا ئەو پەنابەرانەی کەتواناکانی خۆیان سەلماندووە لەکۆمپانیاکانی بیناسازیدا گرێبەستی کارکردنیان پێ دەبەخشرێت
سۆران حەسەن
