تیپێکی تۆپی پێی کوردی لە لەندەن، پەیوەندییان بە ناوەندی ڕەوەندی کوردستانی-بەریتانیا کرد و، سەرۆکی یانەکە دەڵێ، لە پێنا و خاک و ئاڵای کوردستان دەبینە ئەندامی ناوەندی ڕەوەندی کوردستانی.
بەختیار وەیس، ئەندامی دەستەی کارگێڕی و ئەندامی کۆمیتەی گشتی کۆنفدراسیۆنی ڕەوەندی کوردستانی، رایگەیاند، تیپی تۆپی پێی Kurdish FC لە لەندەن، کە لە ساڵی 2019ەوە دەستیان بە وەرزشی تۆپی پێ کردووە و، ئێستا لە پلە یەکی یانەکانی بەریتانیا یاری دەکە، پەیوەندییان بە ناوەندی ڕەوەندی کوردستانییەوە کردووە.
موفید جەوهەر، سەرۆکی یانەی K urdish FC، لە تۆمارێکی ڤیدیۆییدا دەڵێ، جیا لە یانەکەیان، خاوەنی فێرگەیەکن بۆ راهێنان بە منداڵان لە بواری وەرزشی تۆپی پێدا و، زیاتر لە 70 منداڵ تێیدا بەشدارن و راهێنانیان پێ دەکرێت.
موفید جەخت لەوەش دەکاتەوە، کە هۆکاری بوونە ئەندام لە ناوەندی ڕەوەندی کوردستانی، خزمەتکردنە بە خاک و ئاڵای کوردستان، وە لە ڕێی ناوەندیشەوە خزمەت بە گەنجان و منداڵانی کوردی تاراوگە دەکەن.
