هێزی دەریایی مەغریب لە ماوەی ٤٨ کاتژمێردا زیاتر لە ٢٣٠ کۆچبەری لە دەریای ناوەڕاست ڕزگار کرد
دەسەڵاتدارانی مەغریب رایانگەیاند، لە نێوان 17 بۆ 19ی ئەم مانگە، یەکەکانی هێزی دەریایی شاهانە بە تێکڕا 236 کەسیان رزگارکرد، لەکاتێکدا ئەوان هەوڵیان دەدا بگەنە کەناراوەکانی ئەوروپا. بەپێی ئامارە فەرمییەکانی مەغریب، لە ماوەی چارەکی یەکەمی ئەمساڵدا، زیاتر لە چواردە هەزار هەوڵی کۆچکردن لە ڕێگەی دەریاوە دراوە .
ئاژانسی هەواڵی مەغریب لە زاری سەرچاوەیەکی سەربازییەوە رایگەیاندووە، “کۆچبەرە رزگارکراوەکان فریاگوزاری سەرەتایی پێویستیان لە هێزی دەریایی شاهانە وەرگرتووە پێش ئەوەی بۆ بەندەرەکان بگوازرێنەوە بۆ ئەوەی دواتر رادەستی سەربازی شاهانە بکرێن بۆ جێبەجێکردنی رێکارە کارگێڕییەکانی لە شوێنی خۆیان”.
ڕێگایەکی دیکە کە کۆچبەران هەوڵی گرتنەبەری دەدەن، لە ڕێگەی سیاجەکانی نێوان ناوچەکانی سیوتا و مێلیلا لە باکوری مەغریب . بەشێکیان هەوڵدەدەن بە مەلەکردن بچنە ئەو دوو ئینکلاڤە بەهۆی توندکردنەوەی ڕێوشوێنە ئەمنییەکانەوە، بەتایبەتی لە مەغریبەوە، جگە لەو توندوتیژییانەی کە کۆچبەران لەوێ ڕووبەڕووی دەبنەوە. بەڵام هەرچەندە مەودای ئاوی نێوان هەردوو ئینکلاڤەکە و خاکی مەغریب زۆر کورتە، بەڵام بە ڕەوتی ئاوی زۆر بەهێز تایبەتمەندە کە مەترسییەکی گەورە لەسەر ژیانی کۆچبەران دروست دەکات.
