ئەمڕۆ 03.08 هەشت ساڵ تێپەڕی بەسەر پەلامارە تیرۆرستیەکەی ڕێکخراوی تیرۆررستانی ئیسلامی داعش دژ خەڵکی کوردستان بەتایبەت شاری شەنگال ،کە شەمشەمەکوێرەکانی تارکیکستان هێرشیان کردە سەر خەڵکی سیڤیلی شاری شەنگال و بە دڕەندەترین شێوە لە ئاستی دڕندەیی سەدان ساڵەی پێشویان پەلاماری کوردستانیان دا ،تاوانێکی تری داگیرکاری و دڕندەیان دەست پێکرد و لە هیچ شتێک سڵیان نەدەکردەوە ،لە بەکۆمەڵ کوشتن و وێرانکردن ،ڕاگواستن و کڕین و فرۆشتن بە مرۆڤەکانەوە ، و دەسترێژی کردنە سەر ژن و منداڵی کوردستان، لەهزری ڕابردویان ئەو تاوانانەیان یاداشت کردەوە
لەیادی هەشت ساڵەی جینۆسایدی خوشک و برا ئیزیدیەکان سەری ڕێزو نەوازش بۆ گشت شەهیدانی کوردستان و شەهیدانی شاری شەنگال و قوربانیانی دەستی ڕەشی تیرۆستان دادەنوێنین ،قوربانیدان و هەوڵەکانی هێزەکانی پێشمەرگەی کوردستان بە سەرۆکایەتی سەرۆک بارزانی بۆ ڕزگارکردنی شاری شەنگال و هەوڵەکانی هێزەکانی دژە تیرۆر بۆ ڕزگارکردنی هاوڵاتیانی ئێزیدی لە دەست تیرۆرستان بەرز دەنرخێنین ،دواکارین کە ناوچەکە لە هێزەملیشیەکانیش و بگانەکان پاک بکرێتەوە و دەسەڵاتی یاسایی بۆ خەڵکی شەنگال بگەڕێتەوە
کۆنفدراسیۆن و ڕەوەندی کوردستانی هەموو هەوڵ توانایەکمان بۆ بە ناساندنی ئەم تاوانە دژ مرۆڤایەتییە لە پەرلەمانی وڵاتانی دنیا دەخەینەگەڕ و هەروەها هەوڵەکانمان بۆ دۆزینەوە و ئاشکراکردنی تیرۆستان دادگایکردنیان لە شوێنێکی جیهاندا بن
شەرمەزاری سەر شۆری بۆ تیرۆرستان و نەمری بۆ شەهیدان و سەربەزی بۆ قوربانیان
کۆنفدراسیۆن و ناوەندی ڕەوەندی کوردستانی
03.08.2022
