ناوەندی ڕەوەندی کوردستانی-کەنەدا سەردانی بەرپرسی ناوچەی پارتی دیموکراتی کوردستانیان کرد
ناوەندی ڕەوەندی کوردستانی-کەنەدا، بەمەبەستی هەواڵپرسین و لە نزیکەوە ئاگاداربوون لە تەندرووستی، سەردانی بەرپرسی ناوچەی پارتی دیموکراتی کوردستانیان لەو وڵاتە کرد.
ئەمڕۆ دوو شەممە، رێککەوتی ١٥/٨/٢٠٢٢ بەرپرس و ئەندامانی ناوەندی ڕەوەندی کوردستانی-کەنەدا، سەردانی حاجی جەمال حەسەن، بەرپرسی ناوچەی پارتی دیموکراتی کوردستانیان لە شاری کیچنەر کرد، کە باری تەندروستیان تێکچووبوو، ئەوەش بەمەبەستی لە نزیکەوە ئاگاداربوون لە بارودۆخیان، هاوکات ھیوای چاکبوونەوە و تەندروستیەکی باشیان بۆ خواست، وە لەلایەن حاجی جەمالیشەوە، بەگەرمی سوپاس و پێزانینی خۆیانیان بۆ ئەو سەردان و بەسەرکردنەوەیە دەربڕی.
