بەسەرپەرشتی سەرۆکی کۆنفدراسیۆنی ڕەوەندی کوردستانی، کۆبوونەوەیەکی تایبەت لەگەڵ کۆمیتەی چاودێر ئەنجامدرا و، تێیدا
ڕۆژی 07.09.2022 لە کۆبوونەوەیەکدا بە سەرپەرشتی سەرۆکی کۆنفدراسیۆنی ڕەوەندی کوردستانی، ئیسماعیل کامل و، جێگرەکەی، ھەورامان عەلی تۆفیق، لەگەڵ کۆمیتەی چاودێر کۆبوونەوە.
سەرەتا ئەجێندای کۆبوونەوە لەلایەن سەرۆکی کۆنفدراسیۆنەوە خرایەڕوو، ئەویش گفتوگۆبوو لەسەر ئەرک و دەستەڵاتەکانی کۆمیتەی چاودێر و، دواتر ھەڵبژاردنی بەرپرسێک بۆ کۆمیتەکە.
دوابەدوایی خۆناساندن و خستنەڕووی چەند سەرنج و تێبینیەک و گفتوگۆ لەبارەی ئەرک و دەستەڵاتەکانی کۆمیتەکە، لەوانە چاودێری دارایی و، تەواوی لایەنە گشتیەکانی کاری کۆنفدراسیۆن لە ئەرک و کاروچالاکی و جموجوڵەکانی کۆنفدراسیۆن، هاوکات ئەم کۆمیتەیە دەشتوانێ وەک چاودێرێکی گشتی کۆنفدراسیۆن بێت و، ڕاپۆرتەکانی ببینێ و، دواتر سەرنج و بۆچوونی خۆی بەگوێرەی دەستووری کۆنفدراسیۆن بدات.
جێی باسە، لە کەش و ھەوایەکی دیموکراتیانەدا ھەڵبژاردنی بەرپرس و ئەندامانی کۆمیتەی چاودێر بەڕێوەچوو.
یاد ئەمین بەرپرسی کۆمیتەی چاودێر
سەلام کوردە ئەندامی کۆمیتە
شوعلە حەبیب ئەندامی کۆمیتە
ژیان شێخ سلمان ئەندامی کۆمیتە
مەزڵوم دلی ئەندامی کۆمیتە
