دوێنێ شەو بەشی رێکخستنی ناوەند و کۆمەڵەکانی کۆنفدراسیۆنی ڕەوەندی کوردستانی، بە بەشداری بەشێک لە نوێنەرانی ناوەند و کۆمەڵە و رێکخراوەکانی سەر بە کۆنفدراسیۆنی ڕەوەندی کوردستانی کۆبوونەوە.
کۆبوونەوەکە بەسەرپەرشتی کۆڤان ئامێدی، ئەندامی کۆمیتەی بەڕێوەبەر و سکرتێری کۆنفدراسیۆن بوو، کە تێیدا وێڕای یەکتر ناسین و باسکردن لە تێکڕای کاروچالاکییەکان و ئەجێندا و پلانەکانیان لەلایەن ناوەند و کۆمەڵە و رێکخراوەکان، بەگشتی باس لەسەر چۆنییەتی هەماهەنگی و کاری پێکەوەیی و بەردەوام پێکەوە ئەنجام بدەن، بەتایبەت رێکخراوەکانی دەرەوەی ناوەندەکان، کە سەر بە کۆنفدراسیۆنن پێکەوە هەماهەنگیان هەبێت، ئەوەش لە چوارچێوەی کاروبەرنامەکانی کۆنفدراسیۆنی ڕەوەندی کوردستانی رێکبخرێن.
جێی باسە، کۆبوونەوەکە بە سەرکەوتوویی کۆتایی هات و لەسەر چۆنیەتی کاری پێکەوەیی لە چوارچێوەی بەرنامە و پلانەکانی کۆنفدراسیۆنی ڕەوەندی کوردستانی، بۆ داهاتوو کار بکەن.
