بەبۆنەی یادی لە دایکبوونی پێغەمبەری ئیسلام، کۆنفدراسیۆنی ڕەوەندی کوردستانی پەیامێکی بڵاوکردەوە، کە وێڕای پیرۆزبایی لە موسڵمانانی کورد، هاوکات دەشخوازن دەرگای خێر و بەرەکەت بە رووی گەلی کوردستاندا بکرێتەوە.
دەقی پەیامەکە:
به‌بۆنه‌ی یادی له دایكبوونی پێغه‌مبه‌ری ئیسلام سڵاوی خودای گەورەی لەسەر بێت، پیرۆزبایی له موسڵمانانی جیهان بەگشتی و، بەتایبەتی موسڵمانانی کورد ده‌كەین، هیوادارین ئه‌م بۆنه پیرۆزه هۆكارێك بێت بۆ زیاتر پته‌وكردنی گیانی لێبورده‌یی و پێكه‌وه‌ژیانی ئایینی و نه‌ته‌وه‌یی له كوردستان و جیهان.
هەر لەم بۆنەدا، له خودای گەورە ده‌خوازین، کە ده‌رگای خێر و به‌ره‌كه‌ت و خۆشی، به‌ڕووی گه‌لی كوردستان بكاته‌وه.
کۆنفدراسیۆنی ناوەندی ڕەوەندی کوردستانی
8ی10ی2022
