ڕۆژنامەنوس ،وەرگێر و نوسەری گەورەو ناسراوی کورد مامۆستا مونزور جەم پاش ململانێکی لەگەڵ نەخۆشییەکی کوشندە کۆچی دوایی کرد
بەداخەوە ئەمڕۆ یەک شەممە 11.12.2022
نوسەر ،وەرگێر ،کەسەیاتی سیاسی ،ڕۆشنبیر و نوسەری گەورەی کورد (مونزور جەم ) کۆچی دوایی کرد
مونزور جەم، خەڵکی گوندێکی نزیک شاری بنگۆلی باکووری کوردستانە، کۆلێجی تەندروستی خوێندووە ، دواتریش خوێندنی لەبواری ئابووری و بازرگانیدا تەواو کردووە.. ساڵانێک لەھەردوو بوارەکەدا کاری کردووە.
لەتەمەنێکی زووەوە بەشداری کایەی رۆشنبیریی کوردی کردووە.. بەناوی جیا جیاوە بابەتی لە گۆڤار و رۆژنامە کوردی و تورکییەکاندا بڵاو کردۆتەوە… لە کاری پارتایەتی و تێکۆشانی کوردیدا ئامەدەیی هەبووە ، و دوای ھاتنە سەرحوکمی جۆنتای فاشی ئاوارەی وڵاتی سوید دەبێت..
لە ئەوروپاش درێژە بە کاری کوردایەتی و رۆشنبیریی خۆی دەدات.. دامەزرێنەری گەلێک بنکەی رۆشنبیری و دەرکردنی گۆڤار و بڵاوکراوەی کوردییدا کاری کردووە ، و بەیەکێ لە دامەزرێنەرانی یانەی پێنی کوردی دادەنرێ…لەم گۆڤار و رۆژنامانەدا( Özgürlük Yolu, Roja Welat, Dêngê KOMKAR , Vate وتاری بڵاو کردۆتەوە.
لێکۆڵینەوەی زۆری لەسەر بەراوردکاریی شێوەزاری ھەورامی و زازاکیدا کردووە، و
گەلێ رۆمان و چیرۆک و لێکۆڵینەوەی ئەدەبی و زمانەوانی ھەیە.. سەدان چیرۆک و بەسەرھاتی میللی نووسیوەو بە بابەت و نووسینەکانی خزمەتێکی بەرچاوی رۆشنبیریی و فەرھەنگی نەتەوایەتی کوردی کردووە.
ھەروەھا سەردەمانێکی زۆر ئەندامی پۆلیت بیرۆی پارتی سۆسیالیستی کوردستانی باکوور بووە.. لە ساڵانی ھەشتادا ھاتۆتە باشوور و رۆژھەڵاتی کوردستان… لەنزیکەوە لەسەنگەری خەباتی پێشمەرگەدا بووە..ئاشنایەتی لەگەڵ زۆرینەی سیاسییەکانی کورددا ھەبووە.
پیاوێکی بەڕێز و کوردپەروەر و ماندوو نەناس بوو، بیر فراوان و ئاسۆگەش بوو.
لەگەڵ ئەوەشدا کوردناسێکی باش و تورکناسێکی بە سلیقە بوو ،و باوەڕێکی بەهێزی بەسەربەخۆیی و دەوڵەتی کوردستان هەبوو .
بە کۆچی دوایی مونزور جەم، کورد رۆشنبیر ، بیرمەند ، کەسایەتییەکی گەورە ، گرنگ وچالاکی لەدەست دا..
بەناوی کۆنفدراسیۆن و ناوەندی ڕەوەندی کوردستانی پرسە و سەرخۆشی لە خانەوادەو کەسوکارو هاوڕێیانی دەکەین ،لەخوای گەورە دەپارینەوە گیانی خوالێخۆشبوو بەبەهەشتی بەرین شادبکات و ئارامی دڵنەوایش بۆ هەموو لایەک دەخوازین
