نوێنەری کۆنفدراسیۆن و ناوەندی ڕەوەندی کوردستانی لە هەرێمی کوردستان بەشداری یادی شەهیدانی 1ی شوباتی خوێناوی کرد .
ڕۆژی چوارشەممە ڕێککەوتی 01.02.2023 لە شاری هەولێر و لە مۆنۆمێنتی یەک شوبات موزەفەر ئەحمەد نوێنەری کۆنفدراسیۆن و ڕەوەندی کوردستانی بەشداری یادی 19ساڵەی شەهیدانی یەکی شوباتی خوێناوی کرد .
ساڵیادی ئەم کارەساتە بەشداری سەرۆکی حکومەتی هەرێمی کوردستان و بەرپرسانی حکومی و لایەنەکان و ڕێکخراوەکان مەراسیمەکە بەدانانی تاجەگوڵینە بۆ یادی شەهیدانی ئەم کارەساتە پەیمانی وەفاداری دوپاتکرایەوە.
جێی باسە لە 01.02.2004گروپێکی شەڕەنگێز و خوانەناس دەرچوو لە یاسا لە شاری هەولێر لە کاتی جەژنی پیرۆزەی موسڵمانان دوو تیرۆریست لەناو بارەگایی لقی دووی پارتی دیمۆکراتی کوردستان و مەڵبەندی سێی یەکێتی نیشتمانی کوردستان خۆیان تەقاندەوە ،بەهۆیەوە 103کەس گیانیان لەدەست داو ،پتر لە 200کەسیتر برینداربوون ،کە ژمارەیەک سەرکردەی هەردوو پارتە سەرەکییەکەی کوردستان لەنێو شەهیدەکاندا بوون
