ڕاگەیاندنی ناوەندی ڕەوەندی کوردستانی، یەکەم کۆربەندی وەرزی لەسەر پەیماننامەکانی دابەشکاری کوردستان، لەژێر ناونیشانی لەهەمبەر بڕگەو ماددەکانی پەیماننامەی سیڤەر ساز کرد، کە لەلایەن خاتوو شوعلە رەسوڵ ئامادەکار و پێشکەشکار ی بەرنامەکەوە پێشکەشکرا
ئێوارەی شەممە، ڕێککەوتی 25.02.2023 ڕاگەیاندنی ناوەندی ڕەوەندی کوردستانی، یەکەم کۆڕبەندی وەرزی لەسەر پەیماننامەی دابەشکاری کوردستان، لە هەمبەر بڕگە و ماددەکانی پەیماننامەی سیڤەر، بۆ مامۆستا هاوار بازیانی، ماستەر لە زانستە سیاسییەکان و بەرپرسی ناوەندی لێکۆڵینەوەی (تینگ تانگ) ناوەندی ڕەوەندی کوردستانی و، مامۆستا ڕێناس جانۆ مەحەمەد، ماستەر لە زانستە سیاسییەکان و مامۆستای زانکۆی دهۆک و ئەندامی خولی پێشووی ئەنجوومەنی نوێنەرانی عێراق سازکرد.
کۆڕبەندەکە بە ئامادەبوونی پتر لە سەد کەس و لەڕێی پڕۆگرامی ZOOMپێشکەشکرا و، دواتر لەبەر زۆری ئامادەبووان بەشێوەی ڕاستەوخۆ و لە بەشی Live مەڵپەری فەیسبووکی ڕەوەندی کوردستانییەوە گوێبیستی بوون.
بەرنامەی کۆڕبەندەکە دوو تەوەری لە خۆگرتبوو :
تەوەری یەکەم: لەسەر خۆڵەمێشی جەنگی یەکەمی جیهان، پەیماننامەی ئاشتی گۆڕدرا بۆ پەیمانی سیڤەر، لەلایەن مامۆستا هاوار بازیانی، لە ماوەی دیاکراو پوختەیەکی گرینگی لەسەر هاتنەکاییەی پەیمانی سیڤەر و دەرهاویشتەکانی و، ڕۆڵی کورد لەنێو ئەو ڕەهەندە گۆڕانکارییەی جیهان باسکرد، هاوکات تیشکی زیاتر خستەر دروستکردنی کێشەی لاوەکی بۆ کورد و دوورکەوتنەوە لە کێشەی نەتەوەیی و، پتر خۆبەستنەوەی بە کێشەی ئایینەوە.
دواتر بەراوردێکی شیکاری بۆ دابەشبوونەکانی کوردستان هەر لەسەردەمی شەڕی چاڵدێران بۆ سایکسپیکۆ و، دواتر پەیمانی سیڤەر و هاتنەکایەی دابەشکاری نوێ، ڕەهەندی کێشەکانی کوردن، خستە نێو کێشمەکێشی چەندین وڵات، کە خۆیان لە زەلکاوی کێشە و ناکۆکییدابوون.
تەوەری دووەم :
لەڕووی ڕەهەندی سیاسییەوە پەیمانی سیڤەر بۆچی بەئامانج نەگەیشت؟
ئەم تەوەرە لەلایەن مامۆستا ڕێناس جانۆ محەمەد شیکردنەوەی بۆ کراو و، باسێکی لەسەر ڕەهەندی هزری و سیاسی فەلسفەی پەیمانی سیڤەر کرد و، هاتە سەر بیری هۆکارەکانی گۆڕانکارییەکان، سەدەیەک لە شەڕ و ئاژاوەی سیاسی و هۆکاری سەرنەگرتنی ئەم پەیماننامانە لەڕەهەندی نەتەوەوە ڕوونکردەوە.
گۆرانکارییەکانی دوای سەد ساڵە، هەلومەرجی سەردەمێکی تر لە گۆڕانکاری و لەنێوان بیری سیاسی و فەلسەفی، خواستی سیاسی و ڕۆشنبیران، خوێندنەوەیان بۆ گۆڕانکارییەکان شیدەکەنەوە.
هەر لەنێوەندی باسەکەیدا، هۆی پەیماننامەکانی شرۆڤە کرد و، ڕۆڵی کورد لە سەردەمەکان و گۆڕانکارییەکان ناساندن و، دەرهاویشتەی گۆڕانکارییەکان لە دوای جەنگی یەکەمی جیهانی دروستبوونی چەندین دەوڵەت و ڕۆڵی کورد لە سەردەمانە ڕوونکردەوە.
دواتر باسێکی هزری لەسەر سەرهەڵدانی دەوڵەتی نەتەوەیی کرد و، بەراوردکردنی ئەم هزرە لەگەڵ نەتەوەکان، سەرهەڵدانی بیری نەتەوەیی لای کورد و، ڕۆڵی سەرهەڵدان و شۆڕشە ناوچەییەکان لەسەر گۆڕانکارییەکان و، ناکۆکی ناوخۆیی کاریگەریان لەسەر بەرەوپێشچوونەکان بووە.
لەکۆتایی کۆڕبەندەکەدا، لەلایەن ئامادەبووان تێبینی و سەرنجەکانیان لەسەر کۆی تەوەرەکان باسکرد و، پرسیار و گفتوگۆی زۆریان لەبارەوە کران.
جێی باسە، وەرزی کۆڕبەندی پەیماننامەکان لە سیڤەرەوە بۆ لۆزان و، گۆڕانکارییەکان دوای سەد ساڵ درێژەی دەبێت.
س،ح
