ئه‌مڕۆ، نێچیرڤان بارزانی، سه‌رۆكی هه‌رێمی كوردستان، لەشاری هەولێر، پێشوازییكرد له ئالیڕزا گونه‌ی، باڵیۆزی تازه‌ی توركیا له عێراق.
سه‌رۆكی هه‌رێمی كوردستان، پیرۆزبایی ده‌ستبه‌كاربوونی له باڵیۆزی نوێی توركیا له عێراق كرد و هیوای سه‌ركه‌وتنی بۆ خواست.
لە دیدارەكەدا په‌یوه‌ندییه‌كانی هه‌رێمی كوردستان و عێراق له‌گه‌ڵ توركیا تاووتوێكران و هه‌ردوولا خواستی خۆیان بۆ بره‌ودان به پەیوەندییەكان لە هه‌موو بواره‌كاندا دووپاتكرده‌وه.
دۆخی عێراق و ناوچه‌كه به‌گشتی و هه‌ڵبژاردنی داهاتووی عێراق و بڵاوبوونه‌ی په‌تای كۆڤیدـ19 و شه‌ڕی دژی تیرۆر و مه‌ترسییه‌كانی داعش و چه‌ند بابه‌تێكی جێی بایه‌خی هاوبه‌ش، لە كۆبوونەوەكەدا باسكران.
