پێشتر ئەنجومەنەكە وەكوو گەورەترین ڕێكخراوی مەدەنی كوردستانییانی ناشڤیل لە نامەیەكدا بە فەرمیی داوایان كردبوو بێنە ژێر چەتری كۆنفدراسیۆنی ڕەوەندی کوردستانی، لە بەرانبەریشدا کۆنفدراسیۆن لە ڕێی نوێنەری کۆنفدراسیۆنەوە لە ئەمریکا و کەنەدا وەڵامییاندانەوە و قبوڵکران.
لەم پەیوەندییەدا و لەسەر ڕاسپاردەی كۆمیتەی بەڕێوەبەری، مستەر كورد نوێنەری كۆنفدراسیۆنی ڕەوەندی كوردستانی لە ئەمریكا و كەنەدا، لەگەڵ سەرۆكی ڕێكخراوەكە كۆبونەوە و بە ناوی كۆنفدراسیۆنی ڕەوەندی كوردستانی پیرۆزبایی ئەو هەنگاوەی لێكردن و هیوای خواست ئەم بڕیارەی ئەنجومەنەكە بۆ پەیوەست بوون بە كۆنفدراسیۆنەوە گڕوتینێكی پتر بە خەباتی ڕەوەندی كوردستانی لە ناشڤیل ببەخشێ.
لە بڕگەیەكی دیكەدا نوێنەری كۆنفدراسیۆن داوای كرد، كە ئەنجومەنەكە و ناوەندی ڕەوەندی كوردستانی لە پێناو جۆشدانی خەباتی كوردایەتی پێویستە پێكەوە و لە نزیكەوە كار بۆ خزمەتی كوردستانییانی شارەكە بکەن. لەم بوارەدا چەند بڕیاڕ و پێشنیار تاوتوێكران.
جێی باسە، شاری ناشڤیل لە ئەمریكا بە كوردستانی بچوك ناسراوە و مەزەندە دەكرێ زیاتر لە ٢٠ هەزار كوردستانی لەو شارە بژیین، ئەنجوومەنی كوردەكانی ناشڤیل ساڵی ٢٠٠٦ دامەزراوە
