لە توركیا نەتەوە پەرستەكان هێرشیان كردە سەر ماڵە كوردێك و حەوت ئەندامی خێزانەكەیان كوشت.
میدیاكانی توركیا ڕایانگەیاند، ژمارەیەك نەتەوە پەرست لە شارۆچكەی مەرامی سەر بە شاری كۆنیا، بە چەك هێرشیان كردووەتە سەر ماڵی خێزانێكی كورد و دوای ئەوەی حەوت ئەندامی خێزانەكە دەكوژن كە سیانیان ژنن، ئاگر لە ماڵەكەشیان بەردەدەن و هەڵدێن.
بە پێی زانیارییەكان ئەو خێزانەی هێرشیان كراوەتە سەر و كوژراون بە خێزانی دەدەئۆغوڵاری بەناوبانگن و پێشتریش چەند جارێك لەلایەن نەرتەوە پەرستەكانەوە پالاماریان دراوە، نەتەوە پەرستەكان چەند جارێك بە خێزانە كوردەكەیان وتووە كە ڕێگە نادەن لەم شارە توركییەدا بمێنن و بژین.
لە ١٢ی ئایاری ئەمساڵیش ٦٠ نەتەوە پەرست بە دار و بەرد هێرشیان كردبووە سەر ئەم خێزانە و ١١ كەسیان لێ برینداركردبوون.
