کۆنفدراسیۆنی ڕەوەندی کوردستانی لەسەر سەپاندنی سزای لە سێدارەدانی چەند خانمە کوردێک لە لایەن کۆماری ئیسلامیی ئێرانەوە ڕاگەیەندراوێک بڵاو دەکەنەوە.
ڕاگەیەندراو:
بە داخەوە كۆماری ئیسلامیی ئێران بۆ جارێكی دیكە لە دەرەوەی هەموو یاسا و ڕێوشوێنێكی مرۆیی و پێوانە نێونەتەوەییەكان بڕیاری لە سێدارەدانی بەسەر دوو خانمە گیراوی ڕامیاریی كورد سەپاندوون، هاوکات مەترسی سەپاندنی هەمان سزاش بەسەر دووانی دیکەیاندا هەیە، کە بریتین لە شەریفە محەممەدی، پەخشان عەزیزی، توێژەری کۆمەڵایەتی و چالاکی بواری ژنان و لێکۆڵەر، نەسیم غوڵامی سیمیاری، وەریشە مورادی چالاکی مافی ژنان.
كۆنفدراسیۆنی ڕەوەندی كوردستانی وێڕای شەرمەزار كردنی ئەم بڕیارە ناڕەوایە، هاوكات داوا لە ڕێكخراوی نەتەوەیەكگرتووەكان، ئەمنستی ئەنتەرناسیۆناڵ و پەڕلەمانی ئەورووپا دەكات لە هەر ڕێگایەك، کە پێویست بێ گوشار بخەنەسەر دەسەڵاتدارانی تاران تاكوو دەست لە سیاسەتی تیرۆر و سێدارەی گیراوە سیاسییەكانی گەلانی ئێران بە گشتی و نەتەوەی كورد بە تایبەتی هەڵبگرن.
ئێمە لە دەرەوە لە هەموو دەرفەت و توانایەكی خۆمان کەڵک وەردەگرین تا ئەم پێشێلکاریانەی كۆماری ئیسلامی ئێران بە جیهان بناسێنین .
كۆنفدراسیۆنی ڕەوەندی كوردستانی
26ی7ۍ2024
