حەوتەمین ساڵیادی ریفراندۆمی سەربەخۆیی کوردستان لە لایەن کوردانی دیاسپۆرای سوید بەرزنرخێندرا و تێیدا ئاهەنگێکیان سازکرد و پیرۆزبایی خۆیان لە گشت گەلی کورد و بە تایبەتی سەرۆک مەسعود بارزانی کرد.
لە 21ی ئەیلوولی 2024، ناوەندی ڕەوەندی كوردستانی-سوید بە هاوکاری لەگەڵ فدراسیۆنی كۆمەڵە كوردستانییەكان و كۆمیتەی هاوكاری، بە بۆنەی حەوتەمین ساڵیادی ڕیفراندۆمی سەربەخۆیی باشوری کوردستان ئاهەنگێكی جەماوەرییان سازدا.
لەو ئاهەنگەدا ژمارەیەکی بەرچاوی ڕەوەندی کوردستانیی تێیدا بەشدار بوون، هاوکات وتاری چەندین کەس و لایەن پێشكەشکران، کە بریتی بوون لە:
– وتاری فدراسیۆنی كۆمەڵە کوردستانییەکان لە لایەن بەرزان كۆچكایا
– وتاری ناوەندی ڕەوەندی كوردستانی-سوید لە لایەن بەرپرسی ناوەندەکە سەلام كوردە
– وتاری كۆمیتەی هاوكاری هێزە سیاسییەكانی كوردستانی لە لایەن عومەر سۆران
-وتاری سۆسیال دیموکراتی سوید لە لایەن قادر كاسرگە
هەر لەو ئاهەنگەدا چەند هونەرمەندێكی دەنگخۆش ئاهەنگەكەیان ڕازاندەوە، کە بریتی بوون لە:
جودی فەقێ، عەلی محێدین، نارین فەقێ، پرشنگ توانا، زیلان دەرمان و هەروەها دیجەی كوردۆ و موسیكژەن ئاراس.
شایانی باسە، ئاهەنگەكە لە لایەن هەر دوو پێشكەشكار کوردۆ باکسی و ئاسۆ موکریانی بەڕێوەبرا.
