سەرۆکی فدراسیۆنی ڕەوەندی کوردستانی، و شاندی پارتێکی بەلجیکا کۆبونەوە، کە تێیدا جەخت لەسەر هەماهەنگی نێوان حکومەتی هەرێمی کوردستان و دەسەڵاتدارانی بەلجیکا کرایەوە.
ڕێکەوتی ٢٨ی تشرینی ٢٠٢٤ جیهانگیر عالی دۆڵەمەڕی سەرۆکی فدراسیۆنی ڕەوەندی کوردستانی-بەلجیکا، لەگەڵ هەر یەکە لە (دریک وانسینا) سەرۆکی پارتی کریستیانی بەلجیکا و (بیرگیت دیڤلیس) حاکمی شاری لۆڤین و سیاسەتمەدار و پەرلەمانتاری ئەو شارە کۆبونەوە.
لە کۆبونەوەکەدا جەخت لەسەر هاوئاهەنگی زیاتری ڕەوەندی کوردستانی لەگەڵ دەسەڵاتدارانی ئەو وڵاتە کرایەوە. هاوکات خاتوو سەیران زاوێتەیی ئەندامی ئەو حیزبە و بەرپرسی یەکێتی ئافرەتانی کوردستان تێیدا ئامادە بوو و بەرپرسانی پارتی ناوبراو خۆشەویستی خۆیان بۆ کوردستان و هاوئاهەنگیان بە تایبەت لەگەڵ سەرۆک وەزیرانی کوردستان و جەنابی شفا بارزانی سەرپەرشتیاریی گشتی دیسکی ڕەوەندی کوردستانی دەربڕی و داوای هاوئاهەنگی زیاتریان لەبارەی فدراسیۆنی ڕەوەندی کوردستانی و ئەو حیزبە کردەوە.
