Grûbeke nijadperest a Tirk li Antalyayê bendên kontrolê datînine û piştî lêxistina welatiyên Kurd gefa şewitandinê jî li wan dixwe.
Li gorî nûçeya Ajansa Mezopotamyayê, li navçeya Kepez a Antalyayê, komeke nijadperest a Tirk li rê û li kolanan bendên kontrolê danîne û asnameyan ji mirovan dixwazin, li welatiyên Kurd digerin.
Roja duşemê hevwelatiyekî Kurd ê bi navê Erhan Sevîm yê 45 salî ji aliyan wan ve hate girtin û piştî lêdan û bêrêziyeke mezin ji wî re gotine ku hûn Kurd pîs in û divê li vir nemînin, em dê we hemûyan bişewitînin.
Hêjayî gotinê ye ku di tîrmeha îsal de malbateke Kurd li navçeya Meram a Konyayê rastî êrîşê hat û di encamê de 7 endamên malbatê jiyana xwe ji dest dan.
