بە هۆی کەوتنەوەی ئاگر لە گەراجێکی دوو نهۆمی راگرتنی ئوتۆمبێل، دەیان ئوتۆمبێل دەسووتێن، بەرپرسی فریاگوزاری سویدیش دەڵێ بە هۆی تەشەنەسەندنی ئاگرەکەوە، نەتواندراوە کۆنترۆڵ بکرێت.
گەراجێکی دوو نهۆمی راگرتنی ئوتۆمبێل لە لە ماشتای باکووری ستۆکهۆڵمی وڵاتی سوید، ئاگر دەگرێت و بەو هۆیەشەوە نزیکەی 200 ئوتۆمبێل سووتان، تۆماس نیمان، بەرپرسی فریاگوزارییش، رایگەیاند، کە کاتژمێر 2:20خولەکی شەو لە رووداوەکە ئاگادارکراونەتەوە، بەڵام بە هۆی تەشەنەسەندنی خێرای ئاگرەکە، نەتواندراوە بە ئاسانی کۆنترۆڵ بکرێت.
