دوای بڵاو بوونه‌وه‌ی وێنه‌ی 13 كه‌س له یۆنان، كه بە جل و بەرگی تاڵیبانیان لەبەرکردبوو، به‌په‌له پۆلیسی ناوچه‌كه هه‌مووانی بە مەبەستی پشکنین ده‌ستگیركرد، وێڕای ئەوەی هاووڵاتی نامەی دوو وڵاتی ئەورووپایان هەبوو، دیپۆرتی وڵاتەکانیان کردنەوە.
دوو رۆژ پێش ئێستا، دیمه‌نی چەند کەسێک به پۆشینی جل و بەرگی تاڵیبان و، لە ناوچه‌ی كه‌له‌ماته‌ی یۆنان، تۆڕه كۆمه‌ڵایەتییه‌كانی تەنییەوە، هه‌ر بۆیه وێڕای ئەوەی یەکەمجار یۆنان دەستگیری کردن و دواتر بە هۆی بوونی هاووڵاتی نامەی وڵاتی فەڕەنسا و ئەڵمانیا، ئازاد کران، بەڵام بە هۆی ترسی هاووڵاتییانی یۆنان، دووباره پۆلیسی ناوچه‌كه هه‌مووانی ده‌ستگیركردن و لێكۆڵینه‌وه‌یان له‌گه‌ڵدا ئه‌نجامدان.
بە پێی زانیارییەکان، ئەو کەسە ئەورووپییانەی جل و بەرگی تاڵیبانیان پۆشیبوو، له ئه‌سڵدا جه‌زائیری بوون و به پۆلیسیان گوتووە، كه ئه‌وان به باخیره له ئیتاڵیاوه گه‌یشتوونه‌ته كۆمه‌نیزیا و مسوڵمانن، بۆیه روویان له ناوچه‌ی كه‌له‌ماته كردووه، تا رۆژانه 30 كیلۆمه‌تر به پێ پیاده بكه‌ن و ئامانجیان ئه‌وه‌یه به پیاده‌كردن بگه‌نه ئه‌سینا، هەروەها به‌و شێوه‌یه جه‌سته‌ی خۆیان له گوناحه‌كان پاك بكه‌نه‌وه، بەڵام وڵاتی یۆنان سەرجەمیانی دیپۆرتی وڵاتەکانی خۆیان کردنەوە.
