لە نێو هۆتێلێکی هەولێر پیاوێک هاوسەرەکەی دەکوژێت و لە لایەن پۆلیسەوە بکوژەکە دەستگیر دەکرێت.
پۆلیسی هەولێر، لە راگەیاندراوێکدا، باسیان لەوە کردووە، کە ئەمشەو کاتژمێر 11ی ئاگادارلە رووداوێکیت کوشتن ئاگادارکراونەتەوە، کە لە هۆتێل ئەربیل گراند روویداوە، دەست بەجێ تیمێکی پۆلیسی فریاکەوتنی سەر بە بەڕێوەبەرایەتی پۆلیسی پارێزگای هەولێر، لە شوێنی رووداوەکە ئامادەبوون.
ئەوەشیان ئاشکرا کردووە، کە ئافرەتێک بە ناوی لەیلان ئازاد محەمەد، لە لایەن هاوسەرەکەی بە ناوی ک. م. ح، لەسەر کێشەیەکی کۆمەڵایەتی بە گولە کوشتوویەتی.
ئاماژە بەوەشکراوە، پۆلیسی فریاکەوتن توانیان تۆمەتباری ناوبراو دەستگیر بکەن و، رادەستی نووسینگەی نەهێشتنی تاوان بەشی کوشتنی بکەن، بۆ ئەوەی پەڕاوی لێکۆڵینەوەی بۆ رێکبخەن و رەوانەی بەردەم دادوەری لێکۆڵینەوە بکرێت.
