لە رۆژانی 22 و 24ی9 ناوەندی ڕەوەندی کورد لە سوید، چەند کۆبوونەوەیەکی لەگەڵ پێنج لایەنی سویدی لە پەرلەمانی ئەو وڵاتە سەبارەت بە پشتیوانی سەربەخۆیی کوردستان ئەنجامداوە.
ناوەندی ڕەوەندی کورد لە سوید، لە رۆژانی 22 و 24ی 9ی2021 چەند کۆبوونەوەیەکی لەگەڵ پێنج لایەنی سویدی لە پەرلەمانی ئەو وڵاتە بە مەبەستی بەدەستهێنانی مافی سەربەخۆیی هەرێمی کوردستان ئەنجام داوە، هاوکات بە بۆنەی ساڵیادی ریفراندۆمی سەربەخۆیی هەرێمی کوردستان، کۆبوونەوەیەکیشیان بە ئامادەبوونی کەسایەتی سیاسی سویدی و کوردی و فیدراسیۆن و کۆمەڵەی کوردی بە سەرپەرشتی بەرپرسی ناوەندی ڕەوەندی کورد لە سوید ئیسماعیل کامیل بەڕێوەچووە.
شایانی باسە، رووماڵی کۆبوونەوەکەش لە لایەن هەردوو کەناڵی ئاسانی کوردستان و کوردستان24 کراوە، کە تێیدا لایەنە سویدییەکان پشتیوانی بۆ سەربەخۆیی هەرێمی کوردستان دەربڕیوە و ساڵیادی ریفراندۆمیش بەرز راگیرا.
