ئەمڕۆ نرخی نەوتی خاو لە بازاڕەکانی جيهاندا ئاستێکی پێوانەيی تۆمارکرد و هەر بەرميلێک لە سەروو 80 دۆلارەوە مامەڵەی پێوەدەکرێت.
بەپێی هەواڵی ئاژانسە ئابوورييەکان ئەمڕۆ سێشەممە 28ی ئەیلوولی 2021 نرخی نەوتی برێنت لەکاتی کردنەوەی بازاڕەکانی ئاسیا 65 سەنت بەرزبووەتەوە و هەر بەرمیلێک بە 80 دۆلار 16 سەنت مامەڵەی پێوەکرا، هەروەها نرخی نەوتی ئەمریکی 69 سەنت بەرزبووەتەوە و بە 76 دۆلار و 9 سەنت مامەڵەی پێوە دەکرێت.
شارەزايانی ئابووری هۆکاری بەرزبوونەوەی نرخی نەوت دەگەڕێننەوە بۆ بەرزبوونەوەی نرخی خەڵوز ئەوەش وايکردووە خواست لەسەر بەرهەمەنەوتييەکان و گازوايل زيادبکات لەکاتێکدا خستنەرووی کەمە لە بازاڕدا.
