وەزارەتا بەرگریا ئەمریکا ئەڤرۆ سپێدێ راگەهاند؛ مۆشەکەکا نوی ب سەرکەفتیانە هاتە تێستکرن کو لەزاتیا وێ 5 جاران ژ یا دەنگێ پترە و ب 40 خۆلەکان ژ ئەمریکا دگەهیتە چینێ.
پێنتاگۆنێ ئەڤرۆ سپێدێ د بەیانەکێ دا راگەهاند؛ تێستا مۆشەکا نوی ئێکەم تێستا سەرکەفتیانە بۆ یا ڤی جۆرێ مۆشەکێ ژ سالا 2013 تا ئەڤرۆ.
ئاژانسا ئەمریکی یا ڤەکۆلینێن بەرگریێ د بەیانەکێ دا راگەهاند؛ لەزاتیا مۆشەکا نوی 5 جاران ژ لەزاتیا دەنگی پترە و لەزاتیا وێ دگەهیتە 6 هزار و 200 کیلۆمەتران د دەمژمێرەکێ دا.
هەرچەندە ئەمریکا و رۆسیا ل سالا 1987ێ ل سەر دەمێ سۆڤیێتا بەرێ رێککەفتنا راگرتنا بەرهەمئینانا مۆشەکێن مەودا ناڤنجی و دویر ل گەل سۆڤیێتێ ئیمزا کربوو، لێ دۆنالد ترامپی ل سەردەمێ سەرۆکاتیا خۆ ل سالا 2019ێ رۆسیا ب بنپێکرنا وێ رێککەفتنێ سووچدار کر و ئەمریکا ژ وێ رێککەفتنێ ڤەکێشا و دەست ب پێشڤەبرنا مۆشەکێن مەودا دویر کر.
