له یه‌كێك له باڵه‌خانه‌كانی شاری گۆتنبێرگی سوید، ئه‌مڕۆ سێشه‌ممه ته‌قینه‌وه‌یه‌ك رویدا و به‌وهۆیه‌وه 25 كه‌س گه‌یه‌ندرانه نه‌خۆشخانه و له ئێستاشدا ژماره‌یه‌كی زۆر له تیمه‌كانی به‌رگری شارستانی ئه‌و وڵاته له‌هه‌وڵدان بۆ كۆنتڕۆڵكردنی ئه‌و ئاگره‌ی له‌دوای ته‌قینه‌وه‌كه كه‌وتوه‌ته‌وه.
به‌گوێره‌ی ئاژانسه‌كان، ته‌قینه‌وه‌یه‌ك له یه‌كێك له شوقه‌كانی شاری گۆتنبێرگی سوید روویداوه و به‌و هۆیه‌وه ئاگرێكی گه‌وره له‌باڵه‌خانه‌كه كه‌وتوه‌ته‌وه، تا ئێستاش دیار نیه كه ته‌قینه‌وه‌كه چی بوه و تیمه‌كانی به‌رگری شارستانی ئه‌و وڵاته، له‌هه‌وڵدان بۆ كۆنترۆڵكردنی ئاگره‌كه به‌هۆی ته‌قینه‌وه‌كه‌وه زه‌ره‌ر و زیان به‌به‌شێكی زۆر له‌ئه‌سانسۆر و پلیكانه‌كانی باڵه‌خانه‌كه گه‌یشتوه و له‌هه‌وڵدان بۆ رزگاركردنی ئه‌و هاوڵاتیانه‌ی له‌ناو شوقه‌كاندا گیریانخواردوه
