وەزارەتی دەرەوەی ئەمەریکا هەڕەشەی لە ئێران کردووە ئەگەر جموجوڵی کەشتیەکانی لە ئۆقیانووسی ئەتڵەسی ھەستی پێبکرێت ، بەتایبەت لە گواستنەوەی چەک بۆ وڵاتانی دی .
نێد پرایس، وتەبێژی وەزارەتی دەرەوەی ئەمریکا ڕایگەیاند:”ئەگەر ئەمە هەوڵێک بێت بۆ گواستنەوەی چەک یان پێشێلکردنی پابەندبوونە نێودەوڵەتییەکان بە شێوەیەک لە شێوەکان ، ئێمە ئامادەی وەڵامدانەوەین “
پرایس، وتیشی:”ئێمە ئامادەین بۆ بەکارهێنانی ئەو میکانیزمانەی کە لە بەردەستماندایە، لەوانە سزاکان، دژی هەر حزبێک کە یارمەتی ئێران بدات چەک بۆ هاوبەشەکانی دابین بکات، پەنا بۆ توندوتیژی ببات، یان ئەو هێزانەی کە لەلایەن ئەوەوە پشتگیری دەکرێن”
سەرچاوە : ئاژانسی ھەواڵی ” TASS “
