گوتەبێژی تاڵیبان: کۆیلەداری لە ئایینی ئیسلام حەڵاڵ و رەوایە و لە ئیماراتی ئیسلامییش قبووڵکراوە، لە داهاتووشدا کچانی کۆیلە رەوانەی وڵاتانی ناوچەکەش دەکەن.
بە پێی هەواڵی میدیاکانی ئەفغانستان، چەکدارانی تاڵیبان لە شارەکانی غەزنی و نەنگهاری ئەفغانستان، بازاڕێکیان رێکخستووە و کچانی تەمەن یەک بۆ دە ساڵان دەفرۆشن، ئەم کڕین و فرۆشتنە لەلایەن ئیماراتی ئیسلامیی تاڵیبانەوە رێگە پێدراوە بە پێی یاسای تاڵیبان، تەنیا پێویستی بە ئیزن و رێگەپێدانی مەلای تاڵیبانە، جگە لەوە مامەڵەکە حەرام و قبووڵنەکراوە.
گوتەبێژی تاڵیبان رایگەیاند، لە دەستپێکی ساڵی تازە و نەورۆزی 1401 کچە کۆیلەکان بۆ وڵاتە موسڵمانەکانی ناوچەکان هەناردە دەکرێن.
ناوبراو جەختی کردەوە، کە هەموو ئەو مامەڵە و فرۆشتنانە بە پێوەری شەریعەتی ئیسلام بەڕێوە دەچێت و، فەرمان و ئەمری ئەڵڵای ئیسلام جێبەجێ دەکرێت، ئەو کچانە تەمەنیان سەرووی دە ساڵە و بۆ کۆیلایەتی بژاردە دەکرێن، پێویستیان بە ئیزنی مەلای تاڵیبان نییە و، تەنیا ئیزنی مەلا و شێخی گەڕەکیان بۆ ڕەوایی پێدانی مامەڵەکە تەواوە
