بەپێی ئەنجامى راپرسییەکى وەزارەتى نێوخۆى عێراق، 68%ى هاووڵاتییان ئامادەیی خۆیان نیشانداوە بۆ بەشداریکردن لە هەڵبژاردنی پێشوەختەی ئەنجوومەنی نوێنەران.
ئەمڕۆ پێنج شەممە لەبەیاننامەیەکدا وەزارەتی نێوخۆی عێراق، رایگەیاند، راپرسییەکە لەلایەن پۆلیسى کۆمەڵگەی فەرمانگەى پەیوەندییەکان و راگەیاندن ئەنجامدراوە، تێیدا بۆچوونى هاووڵاتییانى بەغدا و پارێزگاکانى دیکە لەبارەى هەڵبژاردن و بەشداریکردن تێیدا وەرگیراوە، کە دەرەنجام %68ی هاووڵاتییان ئامادەی بەشداریکردنی هەڵبژارندی پێشوەختەی ئەنجوومەنی نوێنەرانی وڵاتن.
هەر بەپێی ئەنجامەکە، 83% ى بەشداربووان جەختیان کردووەتەوە، کە هێزە ئەمنییەکان توانایان هەیە هەڵبژاردنەکە بپارێزن.
