تورکیا نوێنەری 10 وڵاتی جیهان کە لە نێویاندا ئەمەریکا و ئەڵمانیاشی تێدایە بانگهێشت کرد، ئەوەش لە دوای ئەوە دێت، کە ئەو وڵاتانە داوای ئازادکردنی رابەرێکی کۆمەڵگەی مەدەنیان کردبوو لەلایەن تورکیاوە بەندکراوە و، بەو هۆیەوە پەیوەندییەکانی نێوان ئەنکەرە وڵاتانی رۆژئاوای تێکداوە.
عوسمان کەڤالای خێرخواز و چالاکوانی لە دایکبووی پاریس، کە تەمەنی 64 ساڵە و، لە ساڵی 2017 وە لە بەندیخانەدایە، بەبێ ئەوەی بە فەرمی تاوانبار بکرێت، ئەوەش بووەتە هێمای ناسینگ فراوانی روو لە زیادبووی رەجەب تەیب ئەردۆغان بەرانبەر بە جودابیران .
عوسان کەڤالای چالاکوانی تورکی، رووبەڕووی زنجیرەیەک تۆمەت دەبێتەوە، کە پەیوەستن بە ناڕەزاییەکانی ساڵی 2013 ی دژ بە حکوومەتی تورکیا، هەروەها کودەتا لەشکرییە شکستخواردەکەی ساڵی 2016، بەڵام کاڤاڵا نکوڵی لەو تۆمەتبارکردنە دەکات.
لە بەیانامەیەکدا رۆژی دوو شەممە، هەریەکە لە کەنەدا، دانیمارک، فینلەندا، فەڕەنسا، ئەڵمانیا، هۆڵەندا، نیوزیلاند، نەرویج، سوید و ئەمەریکا، داوای بڕیارێکی ڕەوا و خێرایان بۆ کەیسی زیندانیکردنەکەی عوسمان کاڤالا کرد.
