ئه‌ڵمانیا ئه‌گه‌ری هه‌یه له داهاتوودا كۆنترۆڵی گه‌شته ئه‌سمانییه‌كان تووندتر بكات، به تایبه‌ت بۆ ئه‌و فڕۆكانه‌ی له یۆنانه‌وه ڕوو له وڵاتەکەی ده‌كه‌ن، ئەوه‌ش به‌هۆی ئه‌وه‌ی ژماره‌یه‌كی زۆر له‌و په‌نابه‌رانه‌ی له وڵاتی یۆنان مافی په‌نابه‌ری وه‌رده‌گرن، به یاسایی ڕوو له ئه‌ڵمانیا ده‌كه‌ن و دووباره داوای مافی په‌نابه‌ری ده‌كه‌نه‌وه.
وه‌زیری نێوخۆی ئه‌ڵمانیا، هۆرست زیهۆفه‌ر (Horst Seehofer) نیگه‌رانه و ده‌ڵێت، ئه‌گه‌ر كارێكی جدی بۆ ئه‌م دۆخه نه‌كرێت، كۆنترۆڵی گه‌شته ئاسمانییه‌كان له یۆنانه‌وه بۆ ئه‌ڵمانیا تووندتر ده‌كات، له به‌رانبه‌ردا وه‌زیری په‌نابه‌رانی یۆنان ڕایگه‌یاند، ئەوان چه‌ندین جار له ماوه‌ی ڕابردوودا وه‌ڵامی پرسیاره‌كانی حكوومه‌تی ئه‌ڵمانیایان داوه‌ته‌وه سه‌باره‌ت به‌و په‌نابه‌رانه‌ی به یاسایی ڕوو له ئه‌ڵمانیا ده‌كه‌ن، پێكه‌وه ڕێكکه‌وتنیان واژوو كردووه، كه له داهاتوودا جێبه‌جێی ده‌كه‌ن و، كێشه و ئاڵۆزییه‌كانی كۆچبه‌ر و په‌نابه‌ران، ته‌نیا په‌یوه‌ست نین به وڵاتێك، به‌ڵكو به یه‌كێتی ئه‌ورووپاوه هەیە به گشتی.
به‌پێی ئاماره فه‌رمییه‌كانی وه‌زاره‌تی نێوخۆی ئه‌ڵمانیا، له سه‌ره‌تای ئه‌مساڵه‌وه تا ئێستا 80.000 په‌نابه‌ر له ئه‌ڵمانیا داوای مافی په‌نابه‌ریان كردووه، كه 34.000 كه‌سیان په‌نابه‌رن له یۆنان و مافی په‌نابه‌ریان وه‌رگرتووه، یا داوای مافی په‌نابه‌ریان كردووه، حكوومه‌تی یۆنان له‌و كه‌سانه‌ی كه مافی په‌نابه‌رییان وه‌رگرتووه و دووباره ڕوویان له ئه‌ڵمانیا كردووه، تا ئێستا یۆنان ته‌نیا یه‌ك كه‌سیانی وه‌رگرتووەته‌وه.
حكوومه‌تی ئه‌ڵمانیا نیگه‌رانه له‌وه‌ی كه ژماره‌یه‌كی زۆر له په‌نابه‌رانی یۆنان، دوای ئه‌وه‌ی مافی په‌نابه‌ری وه‌رده‌گرن، دووباره ڕوو له ئه‌ڵمانیا ده‌كه‌نه‌وه و داوای مافی په‌ناب
