بە گوێرەی پۆلیسی فیدراڵی لە ڕێگای بیلاڕووس و پۆڵەندا، کۆچبەران زیاتر بە نایاسایی دەگەنە ئەڵمانیا و، تەنیا لە مانگی تشرینی یەکەمدا زیاتر لە 4200 کۆچبەر بوون و بە خێرایی لە نێو ئەڵمانیادا دابەش دەکرێن.
ژمارەی ئەو کۆچبەرانەی لە ڕێگەی پۆڵەندا لە بیلاڕووسەوە دەگەنە ئەڵمانیا، بە توندی بەرزبووەتەوە وەک پۆلیسی فیدڕاڵی ڕایگەیاند، تەنیا لە 1 تا 24ی تشرینی یەکەمەوە 4246 ھاتوونەتە ئەڵمانیاوە، لە سەرەتای ساڵەوە تا ئێستا 6657 دەروازەی سنووری بێ مۆڵەت کە پەیوەندی بە بیلاڕووسەوە هەیە تۆمارکراون و، زۆربەی خەڵک لە ناوچە قەیراناوییەکانی وەک سووریا و عێراقەوە هاتوون.
ئێستا پەنابەران بە خێرایی زیاتر لە نێو ئەڵمانیادا دابەش دەکرێن، ئەوەش بۆ ئەوەی لە ناوچە سنوورییەکان ڕزگار بکرێن، پێشبینی دەکرێت ئەم پڕۆژەیە لە هەفتەی یەکەمی مانگی نۆڤەمبەردا دەست پێ بکات.
گوتەبێژی بەڕێوەبەرایەتی پۆلیسی فیدڕاڵی بەرلین، گوتی: “ئێستا لە ئامادەکاریداین و پلان بۆ ئەوە دانراوە کە ژوورە گەرمەکان دابین بکرێت بۆ تۆماری سەرەتایی لەلایەن پۆلیسی فیدڕاڵەوە”.
پۆڵەندا دەیەوێت لە داهاتوودا سنووری خۆی لەگەڵ بیلاڕووسی دراوسێی بپارێزێت، ماریۆس بلاسزکزاک وەزیری بەرگری پۆڵەندی، لە ڕێگەیتویتەرەوە ڕایگەیاند، کە 2500 سەربازی دیکە لەوێ بڵاو دەکاتەوە پاشان 10000 سەرباز لە ناوچەی سنووری پۆڵەندی-بیلاڕووسی بڵاودەکرێنەوە.
پۆڵەندا لە ئێستاوە وایەرێکی بارگاوی کراوی درووست کردووە، کە بە درێژایی سنوور لەگەڵ بیلاڕووس دانراوە وەک درووستکردنی قەڵایەکی هەمیشەیی داڕێژراو، بە گوتەی پاسەوانی سنووری پۆڵەندی، لەم دواییانەدا دوو هەوڵی دیکە هەبووە لە پێشێلکارییەکی توندوتیژی سنوور، ئاژانسەکە لە هەردوو حاڵەتەکەدا گروپی شەڕانگێزی 60 بۆ 70 کۆچبەر، لق و بەردیان گرتووەتە پاسەوانی سنووری پۆڵەندی.
هەردوو هەوڵەکە شکستیان هێنا، هاوکات کەمپی گرووپێکی دیکەی کۆچبەران، کە ماوەی چەند هەفتەیەکە لە دارستانێکدا چادریان هەڵدابوو، ئێستا چۆڵکراوە، پاسەوانی سنوورەکە ڕایگەیاند چارەنووسی ئەو گرووپە کۆچبەرانە، جەماوەری پۆڵەندیان زۆر گواستوەتەوە ئەو زانیاریانەی کەپاسەوانی سنوورەکە دابینی کردوون، بە شێوەیەکی سەربەخۆ ناسەلمێنرێت، چونکە پۆڵەندا لە هەرێمی سنوورەکە باری نائاسایی بە ڕۆژنامەنووسان راگەیاندووە و یارمەتییان نادرێت،
بازرگانی دەوڵەتی بە مرۆڤەوە
لە وەڵامی سزاکانی ڕۆژئاوادا، ئەلێکساندەر لوکاشینکۆ حاکمی بیلاڕووس لە بەهاردا ڕایگەیاند، کە چیتر ئەو کۆچبەرانە لە ڕێگایان بۆ یەکێتی ئەووروپا ڕاناگرن، لەو کاتەوە ژمارەی مەرزە ناڕێکەکان لە سنووری دەرەوەی یەکێتی ئەورووپا لەگەڵ بیلاڕووس و لە سنووری ئەڵمانیا و پۆڵەندا زیادیکردووە.
