تەنیا لە مانگی تشرینی یەکەمدا پاسەوانی سنووری پۆڵەندی تا ئێستا 14200 هەوڵی بۆ تێپەڕینی نایاسایی سنوور تۆمار کردووە، فەرمانگەی داواکاری گشتی زیاتر لە 180 کەیسی دژ بە قاچاخچییە کۆچبەرەکان بەڕێوەدەبات.
نوسینگەی داواکاری گشتی لە ڕۆژهەڵاتی پۆڵەندا، لێکۆڵینەوە لە زیاتر لە 180 کەیسی دژ بە تۆمەتی قاچاخچی ئەو کۆچبەرانە دەکات، کە دەیانویست بە نایاسایی لە ڕێگەی بیلاڕووسەوە بچنە نێو یەکێتی ئەورووپاوە، گوتەبێژی دەستەڵات، ئەمڕۆ چوارشەممە بە ئاژانسی هەواڵی PAPی ڕاگەیاند، زیاتر لە 700 کەس کاریگەریان لەسەر لێکۆڵینەوەکان هەیە لە ناوچەی داواکاری گشتی بیالیستۆک.
ئەمانە تەنیا شۆفێری ڤانەکان نەبوون کە لەگەڵ کۆچبەران لە ڕۆژهەڵاتی وڵاتەوە بەرەو سنووری ئەڵمانیا و پۆڵەندی سەفەریان کردووە، بەڵکو لە زۆربەی حاڵەتەکاندا بە ناوی فڕۆکەوانیش بەشدارن لە بە قاچاخبردنی مرۆڤدا، کە بەنیازە یارمەتی شۆفێران بدات لە پشکنینەکانی سەرڕێگا و دووریان بخاتەوە.
حکوومەتی وارشۆ و یەکێتی ئەورووپا، حاکمی بیلاڕووسی ئەلێکساندەر لوکاشینکۆ تۆمەتبار دەکەن بەوەی، کە پەنابەران لە ناوچە قەیراناویەکانەوە بۆ سنووری دەرەوەی یەکێتی ئەورووپا بە شێوەیەکی ڕێکوپێک هێناون، لوکاشینکۆ لە کۆتایی مانگی ئایاردا ڕایگەیاند، کە مینسک چیدیکە ڕێگە ناگرێ کۆچبەران بەردەوام بن لە گەشتەکەیان بۆ ئەورووپا لە بەرانبەر توندکردنی سزاکانی ڕۆژئاوا دژ بە کۆماری سۆڤیەتی پێشوو. پاسەوانی سنووری پۆڵەندا لە سەرەتای ساڵەوە نزیکەی 26000 هەوڵی تێپەڕینی نایاسایی سنوورەکەی تۆمارکردووە، کە تەنیا لە مانگی تشرینی یەکەمدا 14200 حاڵەت بوون
