سووریەکان بوون بە گەورەترین گرووپی لە دایکبووی پارێزگای سورملاند، کە لە بنەڕەتدا خەڵکانی ئەو شارە فینلەندییەکان پێکیان هێنابوو.
ژمارەیەک لە دانیشتوانی ئیسکیلستۆنا هەوڵیاندا پێشبینی ئەوە بکەن کە کێ گەورەترین گرووپی خەڵکی لە دایکبووی بیانی بووە، زۆرێک پێشبینیان دەکرد کە گرووپەکە سۆماڵییە، فینلاندی، یا عێراقی بن، بۆیە سەرسام بوون بەوەی کە سوورییەکان بوونەتە گەورەترین گرووپ، بەپێی ڕاپۆرتێک کە ئەمیر ئەلحەسون و کاترینا والسترۆم بۆ ڕادیۆی سوید ئامادەیان کردووە.
شەڕی سووریا کە لە ساڵی 2011ەوە دەستی پێکرد و بەردەوامە، هۆکارێکی سەرەکی بوو بۆ قەیرانی پەنابەرێتی لە پاییزی 2015دا، کە زیاتر لە 160 هەزار کەس لە سوید داوای مافی پەنابەرییان کرد، ئەوەش ڕەنگدانەوەی لەسەر ئاماری دانیشتوانی سورملاند هەبوو.
لوسی ڕیاد لە ئەنجوومەنی پارێزگا وتی: “فینلەندییەکان لە ساڵانی 1960 و گرێبەستەکانی دواتر وەک کۆچبەرێکی کرێکار هاتنە سوید، لە کاتێکدا سوورییەکان لە ماوەی کەمدا بەهۆی شەڕەوە هاتن”.
گوتیشی: “سووریەکان لە تەمەنی کەمتردا لە فینلەندییەکان هاتنە سوید، بۆیە ئێمە لە داهاتوودا بە هێزی کارێکی گرنگی دەزانین”.
