ناوەندی رەوەندی کورد لە دەرەوە- فینلاند : دەستەی بەڕێوەبەری ناوەندی رەوەندی کورد لە فینلاند یەکەمین کۆبوونەوەی خۆی دوای هەڵبژاردنی دەستەی نوێ بەڕێوە برد.
ڕۆژی شەممە رێکەوتی ٦ نوڤامبری ٢٠٢١ی زایینی، دەستەی بەڕێوەبەری ناوەندی رەوەندی کورد لە دەرەوە- فینلاند کۆبوونەوەی خۆی بە شێوەی ئانڵاین بەرێوە برد.
سەرەتای کۆبوونەوەکە بە ڕێز گرتن لە گیانی پاکی سەرجەم شەهیدانی کورد و کوردستان دەستی پێکرد، پاشان بەرپرسی ناوەندی رەوندی کوردی لە فینلاند چەند وتەیەکی سەبارەت بە کار و ئەرکە پێسپێردراوەکان بەتایبەتی هێنایە بەرباس و پشتیوانی خۆیانی بۆ رەوەندی کوردی بە بێ جیاوازی دەربڕی و سپاسی تێکۆشانی ماندوونەناسانەی کردن.
هەر لەو کۆبوونەوەیەدا کار و چالاکی ناوەندی رەوەندی کورد لە دەرەوە- فینلاند هاتە بەر باس و هەروەها بەشداربووانی کۆبوونەوەی دەستەی بەڕێوەبەری چالاکانە باسیان لە سەر ڕێکارگەلێک بۆ کەم کردنەوەی گیر و گرفتەکانی بەردەم بەرەو پێش چوونی رێکخراو کرد و ئامادەییان بۆ کار و چالاکی بەربڵاو و گشتگیر نیشاندا.
لە بڕگەی دواتری کۆبوونەوەکەدا دابەشکاری بۆ کار و چالاکی و رێزگرتن لە رۆژی ئاڵای پیرۆزی کوردستان کرا و بەشداران بە گەرمگوڕی ئامادەییان بۆ هەر ئەرک و بەرپرسیارەتیەک لەو پێوەندییەدا نیشاندا.
لە کۆتاییدا دەستەی بەڕێوەبەری ناوەندی رەوەندی کورد لە دەرەوە- فینلاند وێڕای دەستخۆشی لەو هاوڕێیانە لە بەرەوپێش بردنی کار و چالاکییەکانیاندا، هیوای سەرکەوتنی بۆ رەوەندی کورد لە فینلاند بە ئاوات خواست.
بەشی راگەیاندنی ناوەندی رەوەندی کورد لە
دەرەوەـ فینلاند.
٦ی نۆڤامبری ٢٠٢١ی زایینی
نووسینی ڕاپۆرت: کەماڵ ئافەرین
