kurd Diplomat
ئاشتی گەرمیانی .. هەولێر
دیبلۆماتی کورد ڕۆژنامەیەکی هەفتانەیی کۆمەڵایەتی و سیاسی و ڕۆشنبیری یە لە ووڵاتی ئازەربایجان – باکۆ – دەردەچێت بە زمانەکانی کرمانجی و ڕووسی و تورکی کە خاوەن ئیمتیاز مامۆستا ( تاهیر سلێمان ) .
ڕەوەندی کورد لە ووڵاتی ئازەربایجان مێژوویەکی دوورو درێژی هەیە و ژیانی پێکەوە ژیان لەوو ووڵاتە پرانسیپێکی هەمە لایەنەیە ، خەبات و ووچانی میللەتی کوردیش بەشێکە لەو ژیانداری یە ، لەهەمان کاتدا لایەنی کەلتووری و کەڵچەری کوردی بەشێکی ترە لە ڕۆژانەی ئەو میللەتە، بەتایبەتی لە باکۆ پایتەختی ووڵاتی ئازەربایجان کە ڕەوەندی کورد یان نیشتیمانی دایك بۆ هەندێکی تر ئەو جێگەو پێگەیە ، مامۆستا تاهیر سلێمان وەکو ڕۆشنبیرو بیرمەندێکی کورد ئەو ئەرکە خەباتە شۆرشگێڕیەی لە هەست ودەرووندا بووە کە ڕۆژێك بتوانێت خزمەتی نەتەوەکەی خۆی بکات .. کوردستان هەردەم ماناو هەستێکی قووڵی لەلای هەیە ، بێگومان ڕۆشنبیری و زانستی ڕۆشنبیری هۆیەك بووە کە بیری لەوە کردۆتەوە ڕۆژنامەیەك و بڵاوکراوەیەك هەبێت بۆ ڕەوەندی کورد لەو ووڵاتە ، وە زمانەکانی خۆیان خوێندنەوەیەکیان هەبێت سەبارەت بە ئازادی و مێژووی نەتەوەکەیان و کوردستانی باشوور و بارە سیاسی یەکان لەم کاتەدا ، هەر بۆیە لە مانگی شوباتی ٢٠٠٣ بە شێوەیەکی هەفتانە بە دوو توێ ی ١٦ لاپەڕە ڕۆژنامەکە بەناوی کورد دیبلۆمات بڵاو دەکەنەوە .
لەگەڵ مامۆستا تاهیر سلێمان لە ڕۆژی کۆنگرەی ڕەوەندی کوردستانی لە شاری هەولێر لە هۆڵی مامۆستا سەعد بە دیداری یەکتر شاد بووین و ژمارەیەك لە ڕۆژنامەکەی بە دیاری دا بەمن ، وێڕای گفتوو گۆ کردن و ناساندن و وورد بونەوە لە جێگەو ڕێگا و ووڵات ، ئەوەمان باس کرد کە ڕۆژنامەکە گرنگ و مەزنە کە بەڕێزیان بتوانن لە ووڵاتێك وەکو ئازەربایجان وە لە باکۆ ئەو خەبات و هەوڵە بدەن و خەڵکی پێ هوشیار بکەنەوە .
لە نێو ڕۆژنامەکەدا باس لە دیرۆك و مێژووی کەلی کوردو ڕەوشی سیاسی هەر چوار پارچەی کوردستان دەکات ، هەر لە ڕۆژنامەکەدا باس لە هەوڵ و پێشهاتەکانی ئەمڕۆی ڕەوشی کورد دەکات بە گشتی .
بۆ پەیوەندی کردن بە ڕۆژنامەی کورد دیبلۆمات :
email: hewler@mail.ru
Tel: 00994503523318
