پۆلیسی هەنگاریا ئەمڕۆ سێشەممە رایگەیاند، ئۆتۆمبیلێکی ژمارە سربی کە کۆچبەرانی هەڵگرتبوو لە درەنگانی شەوی رابردوو تووشی پێکدادان دەبێت و حەوت پەنابەر مردن و چواریشیان بریندار بوون.
ڕووداوەکە دوای ئەوە هاتووە، کە شۆفێری ئوتۆمبێلەکە رەتی کردوەتەوە لە خاڵێکی پشکنینی پۆلیسی مۆراهالۆمی نزیک سنووری سربیا بوەستێت.
پۆلیس ئەوەشیان راگەیاندووە، کە شۆفێرەکەیان بە تۆمەتی بازرگانیکردن بە مرۆڤەوە دەستگیرکردووە و، ڕێککارە یاساییەکان دژی دەست پێ دەکات.
ڤیکتۆر ئۆربان سەرۆکوەزیرانی هەنگاریا، کەسایەتییەکی پێشەنگی دژە کۆچبەرییە، کە لە مانگی حوزەیراندا پێشنیاری قەدەغەکردنی تەواوی ئەو کۆچبەرانە دەکات، کە دەچنە ئەوروپا.
ئەو سیاسەتمەدارە راستڕەوە، باس لە شەپۆلی ئەو کۆچبەرانە دەکات، کە دەڕژێتە ئەوروپاوە، هۆشداریش دەدا کە دەبێت خەڵک دڵخۆش بن بەوەی لە کوێ لە دایکبوون، واتە نابێت بیر لە کۆچ بکەنەوە.
شایانی باسە، تا ئێستا ناسنامەی پەنابەرەکان ئاشکرا نەکراون.
