ساڵی 2021 تەنیا ئەمڕۆی ماوە و لەمشەوەوە سەری ساڵ دەست پێدەكات و، كەشناسی كەشوهەوای شەوی سەری ساڵ بڵاودەكاتەوە.
دەستەی كەشناسی عێراق لە ڕاگەیەنراوێكدا ئاماژەی بەوەكردووە، ئەمڕۆ هەینی، كە هاوكات كۆتا ڕۆژی ساڵی 2021 دەبێت، ئاسمانی هەرێم ساماڵ دەبێت و پلەكانی گەرما هاوشێوەی ڕۆژانی پێشوو دەبن و شەویش بەهەمان شێوە ئاسمان ساماڵ دەبێت.
دەشڵێت: ئاسمانی ناوچەكانی نێوەڕاست و باشووری ئێراق، نیمچە هەور و هەوری تەواو دەبێت و پلەكانی گەرما دەست بە بەرزبوونەوە دەكەن.
لەبارەی پێشبینیەكانی رۆژی شەممە، كە یەكەم ڕۆژی ساڵی نوێی 2022 دەبێت، ئاماژەی بەوەداوە، ئاسمانی هەرێم ساماڵ دەبێت و لە هەندێك ناوچەی دیكە، پەڵە هەور دەبێت و پلەكانی گەرما هیچ گۆڕانكارییەك تیایاندا ڕوونادات
