Di çarçoveya çalakiyên xwe de Konfederasyona Revenda Kurdistanî li Amerîkayê Rehîm Reşîdî ku weke Mr. Kurd tê nasîn û endamê Desteya Rêveber ê Konfederasyona Revenda Kurdistanî ye bi Serokê Peymangeha Gold bo Stratejiya Navneteweyî Dr. Ely Gold re hevdîtineke dostane pêk anî.
Di civînê de hewldanên damezrandina Konfederasyona Revenda Kurdistanî bi hûrgilî behsa sedemên armancên xwe û her wiha hewldanên komkirina Kurdistaniyan hate kirin.
Dr. Gold pîrozbahî û kêfxweşiya xwe ya ji bo pêngava ku Kurdên li derveyî welat bi dest xistine anî ziman û soz da ku bi hemû hêz û şiyanên xwe piştgîriya doza Kurdistanê li gel Konfederasyona Revenda Kurdistanî bike û amadebûna xwe jî bo hevkariyê diyar kir.
Di beşeke din ya civîna dostane de behsa pêşhatên dawî yên Rojhilata Navîn û Kurdistanê hate kirin.
