Yekîtiya Ewropayê li ser bersiva tund a Belarûsê ya li ser krîza koçberan, biryar hate dayîn ku Encûmena Ewlekariyê wê li ser vê mijarê civîneke lidar bixe.
Serokê Encûmena Ewropayê Charles Mîchael diyar kir ku ew ê bersiveke tund bidin Belarûsê û qedexeyê daynin firokeyên welatên ku koçber veguhestine.
Di heman demê de Ajansa Reutersê ragihand ku Encûmena Ewlehiyê ya Navneteweyî dê roja pêncşemê civîneke girtî li dar bixe da ku mijara koçberên li ser sînorên Belarûs û Polonyayê nîqaş bike û çareseriyeke guncaw bibîne.
Nêzikî mehekê ye gelek kesên ku ji welatên Rojhilata Navîn hatine Belarûsê bi hêviya xwe gihandina Ewropayê û piştî wergirtina vîzeyê bi pereyan, hatine asteng kirin.
Gelek kes niha li ser sînorê Belarûsê asê mane û Polonyayê sînorê xwe girtiye û hêza leşkerî li wir bicîh kiriye û ne diyare wê çarenûsa koçberan ber bi ku ve biçe.
